Түркістан: Жекеменшік мектептер мен балабақшалар жер учаскелерінің нысаналық мақсатын заңға сәйкестендіруі тиіс
Құрылтайшылар жекеменшік мектептер мен балабақшалардың нысаналы мақсатын коммерциялық мақсатқа өзгертуі керек. Бұл мәселе Түркістан облысы кәсіпкерлер палатасының алаңында өткен білім беруді және медицинаны дамыту комитетінің отырысында көтерілді.
Қазіргі таңда Түркістан облысы бойынша 1097 жекеменшік балабақша қызмет көрсетуде. Оның ішінде 12350 бала тәрбиеленіп отырған 150 жекеменшік балабақшаның орналасқан жер учаскелерінің нысаналық мақсаты ҚР Жер кодексінің 65-бабына сәйкес келмейтіндігі анықталды. Мұндай жағдайда «Әкімшілік құқық бұзушылық туралы» ҚР 2014 жылғы 5 шілдедегі Кодексіне сәйкес айыппұлдар қарастырылған.
Жиын барысында кәсіпкерлер үшін құзырлы органдар тарапынан құжаттарды рәсімдеуге жыл соңына дейін уақыт беру өтініш жасалды. Кәсіпкерлер палатасы жанындағы білімді дамыту комитетінің төрайымы Шолпан Бегалиева кәсіпкерлер заң талаптарын орындауға дайын екендігін жеткізді.
Сондай-ақ, жиында балалардың мектепке дейінгі жекеменшік балабақшаларда болу уақытын 9 сағаттан 10,5 сағатқа қалпына келтіру мәселесі талқынады. Түркістан облысы білім басқармасы басшысының орынбасары Айгүл Қасымбекованың сөзінше, бұл мәселе 2025 жылы шешімін табады деп жоспарланып отыр.
Пікір қалдыру:
Пікірлер: